Шпанија стигна и до третата победа во групата во која се наоѓа и Македонија откако, очекувано славеше над Украина со 88-74. Шпанците фаворитската улога ја потврдија уште од самото отварање на натпреварот, а продолжија во исто темпо и до самиот крај.
Прво име во составот на „црвената фурија“ беше Лопез-Аростегуи со 15 поени, 3 скока и 3 асистенции, додека Рендл ги предводеше Украинците со 21 поен, 5 асистенции и 4 скока.
На победа се радуваше Русија која ја совлада Холандија на домашен терен со 80-69. Предводник на Русите со 17 поени и 3 скока беше Комолов, додека поранешниот кошаркар на МЗТ Скопје, Клоф ги преводеше „лалињата“ со 14 поени.
Црна Гора и Франција ја продолжија битката за првата позиција во групата „Е“ откако славеа убедливо над Унгарија и Португалија. Црногорците до победа од 67-83 ги предводеше Михајловиќ со 27 постигнати поени, додека лидер на Французите со 15 поени беше Лабаје.
Бугарија стигна до првата победа во квалификациите откако на домашен терен славеше со 79-70 против Чешка во натпревар „да се биде илие не“. До победа Бугарите ги предводеше натурализираниот Американец Бост кој мечот го заврши со 24 поени, 6 асистенции и 5 скока, додека Хрубан со 21 поен и 6 скока беше лидер на Чесите.
Со овој тирумф Бугарите лесно можат да се најдат во следната фаза од квалификациите за Мудијалот бидејќи имаат позитива од девет поени пред гостувањето во Чешка.
Од истата група Литванија остана перфектна по три одиграни натпревари откако го преживеа пеколот на преполната сала во Тузла, славејќи со 77-78. Халиловиќ беше лидер на домаќините со 20 поени, додека Олисевичиус постигна 18 поени за гостите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА