Калифа Гедбан е изборот на Вардар за нов голман откако македонскиот првак постигнал целосен договор со шпанскиот клуб Пуенто Хенил околу трансферот на алжирскиот голман. Овој 21-годишен чувар на мрежата веќе извесно време се наоѓаше на листата со желби на „вардарци“, за конечно да биде најден заеднички јазик. Пуенто Хенил на својата официјална веб-страница објави дека е постигнат целосен договор откако „црвено-црните“ се согласиле да ја платат клаузулата за Гедбан.
„Нашиот клуб потврдува дека е договорен трансферот на Калифа Гедбан во македонскиот клуб Вардар. Со платената клаузула од страна на Вардар, нашиот договор со Калифа е раскинат“ – објави Пуенто Хенил.
Се очекува во текот на денешниот ден „вардарци“ да го официјализираат трансферот на младиот Алжирец, кој ќе го заземе местото во тимот на Страхиња Милиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
