Македонскиот претставник во европскиот Челенџ куп, Штип УГД остаува единствениот неповразен тим во најсилното машко одбојкарско првенство, зајинувајќи ја петтата победа во исто толку натпревари. Штипскиот состав беше сигурен на домашен терен во дуелот со Јанта Волеј мажи и рутински стигна до нови три бода, со кои останува на врвот на табелата.
За Штип УГД ова беше последна проверка на силата во пресрет на реваншот со Кол Ил во рамките од третото по квалитет европско клупско натпреварување. Шкендија оствари важна победа (3-1) на гостувањето кај Македонија Ѓио во Струмица, со која се врати на горниот дел од табелата.
Во дуелот со еден од директните конкуренти за повисок пласман одбојкарите на тетоскиот тим беа поконцентрирани во клучните моменти и тоа им донесе триумф. На останатите натпревари од петтото коло немаше поголеми изненадувања, односно минаа во знакот на фаворитите.
Шампионот Струмица се врати на победнички патеки со убедливи 3-0 на Скопје, ГОК Борец со максимален резултат го совлада Универзитети во Тетово, додека Работнички немаше проблеми на гостувањето кај младиот состав на Весна Пробиштип. Претходно, во дуелот кој го отвори ова коло Сушево со 3-1 ја совлада Лирија.
ПРВА ЛИГА МАЖИ 5. КОЛО
СТРУМИЦА 47872 – СКОПЈЕ 3-0 (25-17, 25-11, 27-25)
ШТИП УГД – ЈАНТА ВОЛЕЈ МАЖИ 3-0 (25-17, 25-7, 25-7)
МАКЕДОНИЈА ЃИО – ШКЕНДИЈА 1:3 (18-25, 25-21, 19-25, 18-25)
УНИ ВО ТЕТОВО – ГОК БОРЕЦ 0-3 (22-25, 17-25, 22-25)
ВЕСНА ПРОБИШТИП – РАБОТНИЧКИ 71822 0-3 (18-25, 17-25, 17-25)
СУШЕВО – ЛИРИЈА 3-1 (26-24, 25-17, 23-25, 25-15)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
