Можеби има уште 90 минути за играње во Велс, но нема никакви дилеми околу патникот во следната рунда од квалификациите за ЛШ, откако Шкендија вечерва го декласираше ТНС со убедливи 5-0, држејќи му лекција по модерен фудбал на противникот од „островот“.
Првата пречка е мината, а следен ривал за тетовци ќе биде подобриот од двомечот меѓу Торпедо од Грузија и Шериф од Молдавија. Првиот меч во Грузија заврши со победа на Торпедо од 2-1, и тоа со пресврт откако Шериф прв поведе во 14. минута.
Без оглед на исходот на реваншот, повеќе од јасно е дека Шкендија нема од што да стравува, бидејќи со квалитетот што го поседува и што го покажува е пред ривалите од Грузија и Молдавија. Секако, тоа мора да се докаже и на теренот, но тетовци делуваат подготвено за испишување на нови страници во клупската историја кога станува збор за европските натпреварувања.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
