Репрезентацијата на Швајцарија е првата селекција која преку европските баражи успеа да обезбеди место на Светското првенство во Русија следната година.
Швајцарците на реванш пресметката во Базел одиграа натпревар без голови со Северна Ирска, сосема доволно за место на Мундијалот по онаа победа од 0-1 на првиот натпревар во Белфаст.
Во натпревар од кој објективно нема што посебно да се одбележи, Швајцарците беа подобри во првиот дел кога не реализираа две одлични можности преку Џердан Шаќири и Зубер. Во второто полувреме гостите повеќе притиснаа во желбата да стигнат до неопходниот погодок, но не успеаја во тоа. Па, на крајот мораа да се помират со фактот дека само поради еден сомнителен гол од првата средба ќе мора да заборават на Русија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
