Фудбалерите на Силекс денеска ќе ја пречекаат штипска Брегалница во дербито на истокот како дел од 7. коло од новата сезона во Првата македонска фудбалска лига.
Силекс е во серија од три порази по ред против Вардар, Шкендија и Струга, со што падна на седмото место на табелата, а последната победа ја забележа на 15 август против Скопје со 3-0. Брегалница, која се наоѓа на осмото место со шест бода, забележа три порази во последните четири кола, а последен пат триумфираше против Башкими со 3-0 на 21 август.
Штипскиот тим неделава направи и тренерска смена откако му даде отказ на Никола Јанкулов, па екипата ја води Мијалче Прошев кој веќе имаше деби на куп-натпреварот против Тетекс. Во меѓусебните дуели од минатата сезона 23/24, два меча завршија нерешено, а еднаш победи Брегалница, додека Силекс последен пат на домашен терен славел против овој противник во април 2017 година со 3-2.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
