Силекс ремизираше и на третиот тест на подготовките во Анталија, играјќи овојпат 1-1 против унгарскиот второлигаш Кишварда. По двата нерешени натпревари без голови, кратовци конечно примија, но и постигнаа еден погодок. Во првиот дел мрежите мируваа, а головите се случија во финишот од средбата.
Во 79.минута, Кишварда поведе од пенал. Ударот од белата точка го реализираше Вари.
Сепак, Силекс израмни само две минути подоцна. По корнер, Александар Пановски најдобро се снајде и ја затресе противничката мрежа.
Тренерот на Силекс, Жикица Тасевски, натпреварот го почна со следниот состав: Вујанац, Филиповиќ, Танушев, Ф. Глигоров, Г. Глигоров, Стојчевски, Гуцев, Тимов, Николовски, Каланоски, Кастратовиќ.
Следниот натпревар Силекс ќе го одигра в недела против унгарскиот второлигаш Балмазујварош.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
