Романската тенисерка Симона Халеп нема да игра на УС опен. Таа е дури шеста тенисерка од топ 10 која одлучи поради пандемијата од коронавирус да го пропушти годинашното издание на американскиот грен-слем. Претходно, тоа го направија и Ешли Барти, Елина Свитолина, Бјанка Андрески, Кики Бертенс и Белинда Бенчиќ.
„По разгледување на сите фактори и необичните околности во кои живееме, одлучив да не патувам за Њујорк и нема да играм на УС опен. Секогаш говорам дека здравјето е прв фактор во носење на моите одлуки, па затоа би останала во Европа“, изјави Халеп.
По враќањето на тенисот Романката стигна и до првата титула откако во неделата во Прага во финалето ја совлада Белгијката Мертенс.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
