Силекс и Ренова денеска ќе го одиграат дерби натпреварот од четртото коло во Првата македонска фудбалска лига. Двата тима играат во одлична форма на стартот на сезоната и се едни од фаворитите за добар пласман. Тренерот на Силекс, Горан Симов вели дека мечот ќе биде многу тежок и квалитетен и за конечниот резултат ќе одлучуваат нијанси.
„Силекс како тим оди од натпревар во натпревар. Прво сакам на Ренова да и честитам за одличниот меч против Алашкерт и пласманот во второто коло во квалификациите од Лигата на Европа. Ќе биде тежок и неизвесен натпревар. Од моите фудбалери барам само да дадат максимум. Во домашниот шампионат Шкендија по квалитетот е пред сите, а потоа следуваат многу израмнети тимот меѓу кои сме и ние и Ренова. Ќе биде тежок и квалитетен натпревар“, вели Симов.
Силекс на стартот на сезоната забележа две победи и едно реми во моментов е второ пласиран со три бода помалку од првиот Шкупи, но и натпревар помалку, додека Ренова е петта со пет бода. Мечот во Кратово е со почеток во 16:30.
ПМФЛ – 4. КОЛО (денеска, 16:30 ч.)
Тетово: ШКЕНДИЈА – БОРЕЦ
Кратово: СИЛЕКС – РЕНОВА
ПРЕТХОДНО
РАБОТНИЧКИ – ВАРДАР 1-1
АК. ПАНДЕВ – СТРУГА ТЛ 1-0
МАКЕДОНИЈА ЃП – БЕЛАСИЦА 2-1
ШКУПИ – ПЕЛИСТЕР 1-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
