Јаник Синер го направи својот дел и се пласираше во полуфиналето на Вимблдон. Сега го очекува потенцијален дуел со Новак Ѓоковиќ во петок, а за да се случи тоа, српскиот тенисер ќе мора да го победи Феликс Оже-Алијасим од Канада.
Што се однесува до Италијанецот, тој се мачеше во својот четвртфинален натпревар. Не му беше лесно да го скрши отпорот на Јан Леонард Штруф (Германија) – 7:5, 7:6 (7:4), 6:3. За нешто повеќе од два и пол часа игра, тој забележа триумф.
Германецот можеше да го продолжи мечот, имаше добри шанси за тоа и во првиот и во вториот сет. Во првиот сервираше совршено, не му даде ниту еден брејк поен на својот ривал сè до 11-тиот гем, кога го виде единствениот брејк во сетот.
Во вториот, имаше „размена на брејкови“ во третиот и четвртиот гем, па во 10-тиот гем, Германецот имаше и сет топка на сервисот на Италијанецот. Тој не ја искористи, па мечот отиде во тај-брејк и таму Синер направи мини-брејк и испрати силни топки на сервис за да го удвои водството. Во третиот сет немаше толку возбудувања како во првите два и го доби лесно за конечен триумф.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
