Како што е веќе познато, девет лица загинаа во хеликоптерската несреќа во Калифорнија во која животот го загубија НБА легендата Коби Брајант (41) и неговата 13-годишна ќерка Џана Брајант.
Тие, заедно со уште шест лица и пилотот, патувале од својата кошаркарска академија „Мамба“ кон местото Таусенд Оукс, на околу 60 километри западно од центарот на Лос Анѓелес. Поради густата магла, откако претходно направил неколку круга над градот, хеликоптерот се срушил при брзина од 300 километри на час.
Меѓу жртвите е и дел од друго семејство, бејзбол тренерот Џон Алтобели (56), неговата сопруга Кери и нивната ќерка Алиса која заедно со Џана Брајант играле кошарка за Академијата Мамба и вчера патувале на турнир во Таусенд Оукс.
Загина и Кристина Маусер, исто така кошаркарски тренер, како и младата кошаркарка Пејтон и нејзината мајка Сара Честер, кои исто така оделе на турнирот во Таусенд. Како и пилотот Ара Зобајан.
Kobe Bryant’s 13-year-old daughter is among the nine killed in Sunday’s helicopter crash. Orange Coast College head baseball coach John Altobelli, along with his wife and daughter, were also killed. https://t.co/R0RP9iwDbl pic.twitter.com/q9lyoExYhq
— CBS News (@CBSNews) January 27, 2020
Џон Алтобели минатата година беше прогласен за тренер на годината во бејзбол, во работа со помлади категории.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
