Само неколку месеци по уште едно финале на Светското првенство, Аргентина би можела да биде без човекот кој ја врати на врвот на фудбалот. Лионел Скалони не ги криеше своите емоции по болниот пораз од Шпанија, а неговите зборови предизвикаа страв дека една од најуспешните ери во историјата на аргентинската репрезентација се ближи кон крајот.
Скалони најави дека останува на клупата до истекот на договорот, односно до декември, а потоа веројатно „гаучосите“ ќе имаат нов предводник.
Шпанскиот весник „АС“ идентификуваше неколку можни кандидати, а Маурисио Покетино, актуелниот селектор на САД, се чини дека е најлогичното решение.
Покетино има искуство во водењето на најголемите европски клубови, вклучувајќи ги Тотенхем, ПСЖ и Челси, а на овогодинешното Светско првенство за прв пат доживеа какво е да се работи на репрезентативно ниво.
Под негово водство, САД остварија три победи и постигнаа 11 гола, поставувајќи свои рекорди на Светското првенство. Иако беа елиминирани во осминафиналето, нивната игра доби позитивни критики во текот на поголемиот дел од турнирот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
