Прославата на титулата на Баерн Минхен изминатиов викенд се претвори во неочекувана мини-драма поради однесувањето на еден играч.
Еден од најдобрите во тимот на Баерн е во центарот на вниманието, соочувајќи се со сериозни критики од јавноста откако навивачите забележаа неколку детали што го нарушија тимскиот дух.
Имено, за време на прославата на освојувањето на титулата во Бундеслигата, крилниот напаѓач Михаел Олисе не го носеше специјалниот дрес што клубот го подготви за оваа пригода, што го привлече вниманието на многумина.
И додека неговите соиграчи славеа во препознатливо шампионско издание, францускиот крилен напаѓач одлучи да остане настрана, барем кога станува збор за симболиката на прославата.
Сепак, тоа не беше крајот. Дополнителни реакции предизвика фактот што Олисе дури и не учествуваше во заедничката фотосесија на тимот. Додека сите играчи на Баерн позираа со трофејот и го прославија својот успех, тој остана надвор од кадарот – единствениот што не беше дел од групната фотографија.
Овој потег предизвика лавина од коментари на социјалните мрежи, во кои навивачите беа поделени. Додека некои го сметаат за безопасен пропуст или личен избор, други го сметаат за недостаток на почит кон клубот и соиграчите.
Нема официјални реакции ниту од самиот играч, ниту од неговиот клуб, но ова е нешто што ги растажи навивачите на Баерн.
Набрзо, некои почнаа да го осудуваат францускиот репрезентативец и да заклучат дека „јасно е дека не е среќен и дека сака да си замине“.
Олисе се споменува како нов фудбалер на Реал Мадрид.
Тој е и еден од кандидатите за Златната топка заедно со неговиот соиграч Кејн, особено ако Баерн ја освои Лигата на шампионите, но многу ќе зависи и од тоа какви игри и резултати ќе има на Светското првенство со Франција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
