Лацио вечерва му гостува на Зенит Санкт Петербург во третото коло од Лигата на шампионите. Фудбалерите на римскиот клуб вчера пристигнаа во Русија, а во авионот не беа Чиро Имобиле, Лукас Леива и Томас Страхоша.
УЕФА им забрани на овие фудбалери да патуваат во Русија, а тие не беа дел од тимот ниту минатата недела против Клуб Бриж. Сепак, во центарот на вниманието се Имобиле, Леива и Страхоша кои беа дел од мечот во Серија А против Торино.
Имобиле на натпреварот влезе во второто полувреме и затоа се мислеше деке е негативен и ќе може да игра и во Лигата на шампионите. Сепак, УЕФА го забрани неговото патување велејќи дека се уште не се сигурни дека тој ја победил болеста, а сето тоа предизвика голем скандал во Италија. Римскиот клуб би можел жестоко да биде казнет. Целиот случај се истражува и веќе е јасно дека Лацио е обвинет за кршење на ковид-протоколите.
Доколку се докаже дека тие навистина ги прекршиле протоколите и дури и ги лажирале тестовите тогаш клубот ќе биде жестоко казнет. На Лацио му се заканува дури и исфрлување од Серија А доколку сето тоа се докаже.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА