Фудбалерите на Скопје во минатото коло успеаја на домашен терен да го сопрат Силекс и да освојат бод, а денеска се наоѓаат пред ново големо искушение. Избраниците на Иван Варадиновски гостуваат во Кавадарци и ќе се обидат да му се спротивстават на Тиквеш, тим кој игра одлично, посебно на домашен терен.
Рецептот треба да биде речиси идентичен, цврста и организирана одбрана и згуснат среден ред кој ќе се обиде да ги задржи главните адути на противникот.
„Подготвени сме за надигрување и се надеваме на позитивен резултат“, порачуваат од тимот од Автокоманда во пресрет на натпреварот.
ФК Скопје и понатаму е без победа во елитата од стартот на првенството и се наоѓа на последната позиција на табелата со четири освоени бода. Тиквеш е третопласиран со 21 бод.
Натпреварот меѓу Тиквеш и Скопје закажан за 13 часот на Градскиот стадион во Кавадарци и ќе го суди Благојче Ралевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
