Светската автомобилска асоцијација (ФИА) го објави календарот за наредната сезона во Формула 1 шампионатот и има една голема промена.
Идната сезона ќе се возат 24 трки во 22 земји, ќе има десет спринт трки наместо досегашните шест, а интересно е што стартот на сезоната нема да биде во Австралија.
Досега сезоната во Ф1 шампионатот стартуваше во Мелбурн, a идната сезона, воведната трка ќе се вози за Големата награда на Бахреин на 14 март.
24 Races. 10 Sprints. 🏁
The 2027 F1 calendar is here! 🤩#F1 pic.twitter.com/GSlCRrpcVb
— Formula 1 (@F1) September 16, 2026
Десетте спринт трки ќе се возат во Бахреин, Австралија, Јапонија, Монако, Абу Даби, Канада, Британија, Италија, Бразил и Катар.
Тестирањата пред новата сезона ќе се одржат во Бахреин од 24 до 27 февруари 2027 година, втората трка ќе се одржи во Саудиска Арабија на 21 март, а трката за ГН на Австралија е трета во календарот.
„Календарот за 2027 година ги обединува некои од најкултните патеки и најдинамичните градови на светот. Воодушевени сме што можеме да им посакаме добредојде на Португалија и Турција кои се враќаат во календарот и што ја зголемуваме програмата со десет спринт трки“, изјави претседателот и извршен директор на Формула 1, Стефано Доменикали.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
