Газдата Флорентино Перез подготвува големи промени во играчкиот кадар на Реал Мадрид ова лето по уште една разочарувачка сезона. Целта ќе биде зајакнување на средниот ред, а се чини дека претседателот на „Кралевите“ веќе знае кого сака да доведе.
После поразот и елиминацијата од ЛШ од Баерн Минхен, Перез знае дека најголемиот проблем на „кралевите“ е во средниот ред. Токму тука се очекува да биде најголемиот ремонт.
Така се очекува еден од играчите од средината на теренот Едуардо Камавинга или Орелиен Чуамени да го напушти клубот, а Флорентино Перез да тргне по ѕвездата на Ливерпул, Алексис Мекалистер.
Неколку англиски медиуми пишуваа дека Слот е подготвен да се откаже од Аргентинецот престојното лето, а од ова може да профитираат „кралевите“ и да го ангажираат во своите редови како засилување во средината на теренот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
