Лука Бресел оствари извонреден успех со пласманот во финалето на светското првенство во снукер, популарниот „Крусејбл“, откако со неверојатна серија успеа да слави во полуфиналето против Си Џиахуи со 17-15 во фрејмови.
Кинескиот дебитант на „Крусејбл“ извонредно го почна ова полуфинале, па во текот на вчерашниот ден имаше предност од 14-5. Бресел ја заврши синоќешната програма намалувајќи на 14-10, а неверојатната серија ја продолжи и во текот на денешниот ден, освојувајќи уште шест фрејма во серија за водство од 14-16.
Си успеа да ја запре серијата и намали на 15-16, потоа имаше и шанса за целосно израмнување, но кинескиот мајстор промаши важен удар, по што Бресел го комплетираше пресвртот и се палсираше во своето прво финале на „Крусејбл“.
Во второто полуфинале се среќаваат Марк Селби и Марк Ален.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
