Поранешниот претседател на ФИФА, Сеп Блатер остро ги критикуваше плановите на ФИФА за формирање подружница вредна 20 милијарди долари која би управувала со Светското првенство, истакнувајќи дека турнирот не е комерцијално средство во сопственост на неколкумина раководители.
„Фудбалот не му припаѓа на ниту еден поединец или институција. Тој им припаѓа на луѓето“, изјави Блатер за Ројтерс.
ФИФА во вторникот соопшти дека планира да формира подружница за управување со Светското првенство и други настани, како и да понуди удели до 20 отсто на надворешни инвеститори. Овој потег предизвика негативни реакции кај европските фудбалски органи, вклучително и УЕФА, од каде што порачаа дека ФИФА го става спортот на продажба.
Блатер изјави дека Светското првенство не треба да стане инвестициски производ за фондови за приватен капитал и инвеститори кои бараат поврат на вложените средства.
„Светското првенство на ФИФА е дел од културното наследство на светскиот фудбал. ФИФА е чувар на Светското првенство, а не негов сопственик.“
Блатер рече дека е шокиран од идејата, додавајќи дека никогаш не би размислувал за такво нешто доколку бил на чело на ФИФА. Инвеститорите кои тежнеат кон влијание и профит се спротивставуваат на асоцијациите што ги следат интересите на своите членови, рече тој.
„Модерниот фудбал опстојува повеќе од еден век бидејќи им припаѓа на луѓето“, рече Блатер.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
