Екипата на Соколи од Штип чека официјално да добие билет за влез во Супер-лигата, но во меѓувреме штипјани работат на создавање на квалитетен ростер со кој достојно би се претставиле во елитното друштво.
Ангажманот на екс-селекторот Марјан Србиновски е идеален потег, а веќе почнаа и потписите со првите засилувања. Во текот на вчерашниот ден беа официјализирани Александровски и екс-репрезентативецот Костоски, а денеска потпис со штипјани стави уште еден искусен кошаркар, Ивица Димчевски.
Крилниот играч ги мина последните 18 месеци во дресот на Маџари, најпрвин помагајќи тој да влезе во елитата, а потоа и беше значаен адут во сезоната за паметење во која Маџари стигна до големото финале во плејофот.
„Со големо задоволство го претставуваме нашето ново засилување – Ивица Димчевски!
Искусниот бек и поранешен македонски репрезентативец, освојувач на Купот на Македонија, носи квалитет, сигурност и богато прволигашко искуство во нашиот тим. Добредојде во семејство Ивица“, објави КК Соколи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
