Единсон Кавани, сепак може да остане на „Олд Трафорд“. Кавани пристигна во Манчестер Јунајтед како слободен играч и има договор до крајот на сезоната.
Во Јунајтед се задоволни од неговите игри, а ова го потврди и тренерот Оле Гунар Солскјер.
„Можам само да кажам дека тој направи многу за нас, јас сум импресиониран од него и тој навистина добро се вклопи во тимот. Уживам да го гледам“, рече Солскјер.
34-годишниот напаѓач постигна седум гола на 24 натпревари за Јунајтед во досегашниот дел од сезоната.
„Ќе седнеме и ќе разговараме со него наскоро. Секако, сакаме да ги видиме и неговите планови“, изјави Гунар.
Кавани претходно играше за Париз, Наполи и Палермо, а сега се обидува да го докаже својот квалитет и во Англија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
