Реал Мадрид вечерва ќе го пречека Манчестер сити во реванш натпревар од полуфиналниот двомеч во Лигата на шампионите. Првиот меч одигран на „Итихад“ заврши со победа на „граѓаните“ од 4-3, а вечерва се надеваме дека ќе гледаме нов фудбалски класик.
Карло Анчелоти на овој меч ќе почне само со Бензема и Вини џуниор во нападот, а средината ќе му биде засилена со Феде Валверде кој ќе и се придружи на „редовната тројка“ Кашемиро, Крос, Модриќ.
Од друга страна Пеп Гвардиола ќе тргне ултра офанзивно и на овој меч. Во нападот друштво на Жезус ќе му прават Махрез и Фоден, а тука ќе бидат и секогаш офанзивните Де Брујне и Бернардо Силва.
Натпреварот кој ќе се игра на „Сантијаго Бернабеу“ е закажан за 21 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА