Фудбалскиот сојуз на Србија (ФСС) официјално потврди дека ФК Партизан ќе може да се натпреварува во европските купови следната сезона. Иако минатата недела во спортската јавност кружеа информации дека клубот се соочува со сериозни финансиски пречки кои би можеле да ја загрозат УЕФА лиценцата, ситуацијата е успешно разрешена.
Лиценцната комисија на ФСС, по детална проверка на документацијата, донесе едногласна одлука дека „црно-белите“ ги исполниле сите потребни критериуми. Проверката опфати пет клучни области: спортски, инфраструктурни, правни, кадровско-административни и, најважното во овој случај финансиските критериуми.
Покрај Партизан, лиценца за настап во Европа добија уште седум клубови од српската Суперлига: Црвена звезда, Војводина, Железничар, Чукарички, ТСЦ, ИМТ и Раднички 1923.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
