Фудбалерите на Спортинг Лисабон преживуваат драматични моменти откако во последното коло не успеаја да обезбедат пласман во Лигата на шампионите за следната сезона. Загубија на гостувањето против Маритимо со 2-1 и практично му подарија пласман во елитното европско натпреварување на градскиот ривал Бенфика. А со тоа навивачите не можат да се помират. Сепак, ситуацијата дефинитивно побегна од контрола.
Околу стотина хулигани денеска ги нападнале фудбалерите во клупската база, непосредно по тренингот. Има и повредени, дури и дупнати глави, истепани фудбалери. За среќа, македонскиот репрезентативец Стефан Ристовски не е меѓу повредените, барем како што информираат португалските медиуми. Меѓу повредените е Бас Дост, кој заработи и ’конци’ на главата, како и Руи Патрицио, Вилијам Карвалјо, Маркос Акуња, Монтеро, Баталја…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА