Иван Перишиќ ќе го раскине договорот со Тотенхем, и веројатно ќе се врати во Сплит каде ќе настапува за сплитски Хајдук. Ова сигурно ќе наиде на воодушевување кај многубројните фанови на сплитскиот тим.
34-годишниот лев крилен фудбалер има договор со лондонскиот тим на уште една година, но деновиве ќе побара раскин и наводно раководството на англискиот тим ќе му излезе во пресрет, со што ќе биде отворен патот кон враќање во Хајдук.
Минатите неколку денови Перишиќ тренира во Сплит, а навивачите на Хајдук секојдневно го молат да се врати во сплитскиот тим, и тоа веројатно ќе се случи.
Хрватскиот репрезентативец потекнува од школата на Хајдук. Сепак, никогаш не заигра во првиот тим на сплитските „бели“, а во кариерата играше за Сошо, Роселаре, Бриж, Борусија Дортмунд, Волфсбург, Интер и Баерн Минхен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
