„ОФМ има склучен договор со правното лице РК Вардар, со официјален договор на 24 јуни. Барањето на виновниците мислам дека е за повисоки инстанци. Ние не знаеме да се тепаме, туку да се натпреваруваме на терен во сала. Страната која остана во салата беше посилна од нас, а ние одлучивме да бидеме попаметни и поради тоа се повлековме и ја сменивме локацијата на играње“, истакна Јовановски на денешната прес-конференција свикана околу организацијата на турнирот .
„Ова е 43. издание на турнирот ‘Чајка’ и може да кажам дека е најсилното со селекции како Бугарија, Белгија и Украина. Среќни сме што турнирот е во функција на подготовка на репрезентацијата за ЕП. Со помош на АМС, верувам дека ќе одржиме еден квалитетен турнир, кој ќе помогне во кревање на нивото на одбојкарскиот спорт во Македонија“, изјави организаторот Хаџи-Иљоски.
Македонија ќе игра утревечер од 20:30 часот, во второто полуфинале, против Украина, а претходно од 17 часот ќе се сретнат Бугарија и Белгија. Во исти термини в сабота се финалето и мечот за трето место.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
