Репрезентацијата на Србија продолжува со убедливите настапи на Светското првенство во Кина. На менито на избраниците на Александар Ѓорѓевиќ денеска се најде Порторико кој беше поразен со убедливи 90-47.
Уште од самиот старт на мечот Србите ја покажаа разликата во квалитет, добивајќи ја првата четвртина со 23-14. До крајот на првото полувреме разликата само се зголемуваше, а по 20 минути игра резултатот изнесуваше 49-26.
Второто полувреме продолжи шоуто на нашиот северен сосед. Кошаркарите на Србија погодуваа од секоја позиција, а на минута до крај стигнаа и до највисоките плус 43 (90-47), шѓто беше и конечен резултат.
Бјелица со 18 и Марјановиќ со 16 поени беа најефикасни кај победниците, додека Јокиќ мечот го заврши со 14 поени и 10 скока. Кај Порторико Хуертас мечот го заврши со 11 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
