Кошаркарската репрезентација на Србија со максимален учинок од три победи ќе замине во вториот круг на Светското првенство во Кина, откако во последното коло од Д групата беше подобра од Италија со 92-75.
Во првото полувреме доминираа нападите на двата тима, игра во која подобро се снајдоа Србите, кои на пауза заминаа со предност од 50-42. На почетокот на третата четвртина Италијанците предводени од Данило Галинари успеаја во еден момент да дојдат на минус два (53-55). Сепак, Србите успеаја да се консолидираат од стартниот шок и со тимска игра и одлична серија до крајот на третиот период стигнаа до максимални до тој момент плус тринаесет (70-57). Последниот период повторно почна со серија од 5-0 на Италијанците со кои дојдоа на минус осум, но тоа беше се од „аѕурите“. До крајот на мечотсе разигра српската машинерија за на крајот и убедлива победа од 92-75.
Најефикасен во победничкиот табор беше Богдан Богдановиќ со 31 поен, а Јокиќ уфрли 15. Кај Италија најдобар поединец беше Галинари со 23 поени, а Белинели имаше 15.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА