Србија и Романија ремизираа без голови на националниот стадион во Букурешт во 4. коло од Групата 4 во Ц лигата на УЕФА Лигата на нации.
Србите беа далеку подоминантен противник на теренот но не успеаја да реализираат бројни шанси за победа. Во првото полувреме Тадиќ не реализираше и удар од белата точка во 45. минута, пред кој беше исклучен и домашниот дефанзивец Габриел Тамаш.
Романците играа со фудбалер помалку цело второ полувреме, но на крај успеаја да извлечат бод по промашувањата на Митровиќ од идеални шанси.
Србија е во водство во Групата 4 со 8 бода, два повеќе од второпласираната Романија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
