Српскиот селектор Душан Алимпијевиќ го објави списокот од 18 кошаркари кои ќе бидат дел од подготовките и потоа ќе настапат во квалификациите за Мундобаскет 2027.
Она што е најважно за Србија, на списокот се наоѓа извонредниот Никола Јокиќ, кому друштво ќе му прави и Никола Јовиќ од Мајами хит, како и неколку ѕвезди од Евролигата…
Капитенот Богдан Богдановиќ нема да може да му помогне на српскиот национален тим во овој циклус, а Алимпијевиќ на располагање ќе ги нема ниту Милутинов, Петрушев, Гудуриќ, Калиниќ, Вања Маринковиќ…
Србија на 2 јули ќе гостува на Швајцарија, а четири дена подоцна на домашен терен ќе ја пречека селекцијата на БиХ, во чии редови ќе настапат Јусуф Нуркиќ и Лука Гарза.
Србите веќе претрпеа два порази во овие квалификации од Турција, поради што не смеат да си дозволат нов неуспех на претстојните натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
