Ставрев ќе го суди мечот Келн-Бате Борисов

Нашиот најдобар фудбалски судија, интернационалецот Александар Ставрев од судиската комисија на УЕФА е одреден за главен судија во групната фаза на Лига на Европа меѓу Келн и Бате Борисов. Ќе  му помагаат Марјан Кировски и Дејан Костадинов, четврти судија ќе биде Никола Караколев. Зад головите ќе бидат Димитар Мечкаровски и Дејан Јакимовски. Мечот се игра на 2  ноември.

Од германските екипи во европските купови Ставрев им има судено на Баерн  Минхен и на Хановер. Инаку во неговата богата судиска  кариера ова е четврти пат како ќе му суди  на  Бате  Борисов.

Емил Божиновски ќе биде контролор на судењето на мечот меѓу АЕК и Милан во Атина.

  

Се вчитува...