Тимот кој доминираше во претходните неколку сезони во НБА лигата, Голден Стејт влегува во сериозни проблеми и ќе има тешкотии во текот на сезоната која штотуку почна. Откако влезе во шампионатот исклучително лошо, Голден Стејт остана и без главниот играч. Стеф Кари ја скрши дланката во поразот на „вориорс“од Феникс од 121-110.
Кари ја скрши левата дланка при судирот со центарот на „санс“, Ерон Бејнс кој падна директно на неговата рака. Кари веднаш се повлече во соблекувалната и првичната проценка беше дека се работи за скршеница. Засега нема детали околу должината на отсуството на Кари. Ова само ги зголемува проблемите за Голден Стејт бидејќи на долг рок отсуствува и Клеј Томпсон. Првакот од пред две сезони има три порази во четири одиграни натпревари од почетокот на сеозната.
Steph Curry headed to the locker room after injuring his wrist and could not shoot the 2 free throws. ? pic.twitter.com/gsss5Q5Xku
— House of Highlights (@HoHighlights) October 31, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА