Стеф Кари знае како се освојуваат титули во Торонто

  • Екипа
  • 30.05.2019 / 15:05
  • СПОДЕЛИ:

Актуелниот шампион во НБА лигата, Голден Стејт вориорс, го очекува финалната серија против Торонто Репторс, а првите два натпревари се играат во канадскиот град. Првата ѕвезда на тимот, Стеф Кари ќе има тешка задача да го предводи тимот во првиот меч во кој ќе недостасуваат Кевин Дурант и Демаркус Казинс.

Сепак, Кари знае како се освојуваат трофеи во Торонто. Имено во 2001 година, неговиот татко Дел Кари потпиша едногодишен договор со канадскиот тим, а тогаш малиот Стеф беше префрлен во основното училиште во градот „Квинсвеј Кришчн Колеџ“.  Основно школо во предградието на Торонто, кое немало посебни успеси во кошаркарската лига, а до доаѓањето на Кари имале само три победи. Наставникот по историја Џејмс Лаки, го повикал наставникот по спорт, Кејси Филд како би му го претставил новиот ученик кој се викал Стефан.

Екипата која дотогаш имала само три победи, откако се приклучил Кари не можела да загуби. Победите се нижеле, а на крајот регуларниот дел од училишната лига  тимот од преградието на Торонто имал скор од 15-0. Во големото финале требале да се сретнат со против силниот тим на училиштето „Хилкрест“. На три минути до крајот тимот на Кари имал негатива од осум поени, по што тренерот Филд морал да побара тајм-аут. Туку започнува феноменалната серија на Стеф, за конечна победа од седум поени разлики на неговиот тим.

„Квинсвеј Кришчн Колеџ“ ја освои својата прва титула, но и последна бидејќи следната сезона Дел Кари реши да ја заврши кариерата и да се врати во Шарлот, каде помина 10 години од кариерата.

 

 

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...