Ракометарите на Еурофарм Пелистер ја запишаа првата победа на првиот свој меч на 49.издание од традиционалниот турнир „Струга 2021“. Битолчани славеа со 25-24 во пресметката против Металург, кој играше без браќата Њокас.
Металург одигра далеку поквалитетен меч за разлика од оној вчерашниот со Тиквеш, па на полувремето имаше и предност од 13-14 против фаворитот.
Сепак, во второто полувреме Еурофарм Пелистер одигра поконцентрирано во одбраната, па на 15 минути пред крајот дојде и до водство од 20-17. До крајот рутински се одржуваше предноста за конечна победа.
Во првиот денешен дуел на турнирот ракометарите на Бутел Скопје и Струга одиграа неизвесен натпревар, ремизирајќи 23-23. Во последното трето коло Бутел Скопје ќе игра против Вардар, а на Струга и останува натпреварот за пласман.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА