Вардар му се реваншираше на Еурофарм Пелистер за поразот во Суперкупот, откако во финалето на турнирот во Струга по продолженија славеше со 33-32.
Првото полувреме помина во една егал игра во која за нијанса подобри беа „црвено-црните“ кои на пауза заминаа со предност од 15-14. Како и на мечот во Суперкупот, така и во Струга, битолчани заиграа далеку подобро во вториот дел и во 46. минута имаа за првпат и плус три 21-18.
Сепак, натпреварот влезе во егал завршница. Пелистер имаше напад за победа, но Божиќ-Павлетиќ не успеа да реализира во последниот напад, а натпреварот замина во продолженија. Таму подобро се снајдоа „црвено-црните“, а победата ја донесе Тимур Дибиров со гол од пенал на три секунди до крајот.
Претходно во натпреварот за третото место Бутел славеше над Тиквеш со 29-20, додека во мечот за петтото место Металург беше подобар од Струга со 29-23.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА