Компанијата која стои зад проектот „Суперлига“ ќе ја тужи Европската фудбалска федерација (УЕФА) и нејзиниот претседател Александар Чеферин.
Поводот за тужбата е тоа што од „Суперлигата“ сметаат дека италијанскиот великан Јувентус бил уценет од страна на УЕФА. Се барало од „старата дама“ да се откаже од целиот проект наречен „Суперлига“, а во замена за тоа да не биде суспендиран од три до пет години од европските натпреварувања.
Компанија „А22“ која стои зад целиот проект објави дека има цврсти и несоборливи докази дека УЕФА го уценувала Јувентус за ова во замена да му прогледа низ прсти за прекршување на финансискиот фер-плеј, а тужбата има основа зашто шпанскиот трговски суд лани донесе одлука дека „УЕФА не смее да уценува ниту еден клуб, ниту да се заканува, ниту да ги казнува ако клубот е дел од проектот или сака да се приклучи на проектот Суперлига“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
