Резултатската криза во Веспрем уште повеќе се продлабочи откако тимот на нашиот Дејан Манасков загуби уште еден натпревар на домашен терен, овојпат од Филип Талески и Рајн-Некар Левен со 28-29. Давид Дејвис барем засега не се покажува како соодветно тренерско решение откако по слабите игри во домашното првенство сега загуби и домашен меч во ЛШ, за дополнителен пад на Веспрем во групата во која се наоѓа и нашиот првак Вардар.
Филип Талески и Дејан Манасков го завршија натпреварот со по еден гол, а најефикасни на натпреварот беа Шмид, Колбахер и Радивојевиќ со по шест погодоци кај германскиоот клуб, додека Мае постигна пет гола за Веспрем.
Кире Лазаров и Нант прокнижија нови бодови, иако потешко од очекувањата го совладаа Загреб предводен од Лино Червар со 23-20. Хрватскиоот клуб одлично го почна натпреварот и благодарение на извонредната одбрана имаше водство од 1-6, но Лазаров и соиграчите се разбудија во вистински момент и направија целосен пресврт. Македонскиот ракометар постигна пет погодоци и беше најефикасен во таборот на Нант, кој остана на третото место во групата, зад ПСЖ и Пик Сегед.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
