Двајца фудбалери на Лас Палмас направиле жесток инцидент на последниот тренинг во пресрет на утрешниот дуел со Реал Мадрид во рамките на Ла Лига. Лоик Реми и Осама Танане се степале, откако претходно имале несогласувања од почетокот на тренингот.
Најпрво Лоик Реми ја шутнал топката директно во Танане, а потоа двајцата фудбалери и физички се пресметале, открива шпанскиот весник „Марка“.
Лас Палмас оваа сезона не ги бележи очекуваните резултати и има осум порази од стартот на сезоната, па тоа најверојатно придонесува и за нервозната атмосфера во редовите на клубот. Се уште не е познато дали двајцата фудбалери ќе бидат во тимот за утрешното гостување на „Сантијаго Бернабеу“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
