Дисциплинската комисија при Фудбалската федерација на Македонија ги донесе одлуките за дисциплинските прекршоци направени на натпреварите од домашните фудбалски натпреварувања.
Највисока казна доби ГФК Тиквеш 1930, кој ќе мора да плати 5.000 евра поради националистички скандирања од трибините и фрлање предмети на теренот за време на натпреварот против Шкендија Арачиново 77.
Парична казна заработи и ФК Струга Трим Лум АД. Стружани се казнети со 2.000 евра поради пропусти во организацијата на натпреварот, односно необезбедување паркинг простор за гостинската екипа, како и поради несоодветно обележување на линиите на теренот.
Дисциплинската комисија изрече и две суспензии за фудбалери кои беа исклучени поради втор жолт картон.
Играчот на Беласица, Димитриј Димитриевски, ќе паузира еден натпревар, додека истата казна ја доби и Зоран Ивановски од АП Брера Струмица.
Така, покрај финансиските санкции за клубовите, дисциплинската комисија донесе и казни за двајцата фудбалери кои поради црвените картони ќе го пропуштат следниот натпревар на своите екипи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
