Дефанзивецот на Струга Трим Лум, Томе Китановски денеска заработи сериозна повреда за време на натпреварот со Брегалница. Тој по еден дуел, незгодно падна и доби скршеница во пределот на подлактицата.
Во вторник на Китановски ќе му биде направен и оперативен зафат, а според првите прогнози ќе треба да паузира околу еден месец.
„Заработив скршеница на раката, и во вторник ќе правам операција. Се надевам дека ќе биде се како што треба, и брзо ќе се вратам на терените. Повредите се дел од фудбалот, и мора да го прифатиме тоа“, ни изјави Китановски.
Денешниот дуел во Струга помеѓу домашниот тим и Брегалница заврши без победник 1-1.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА