Еден од најдобрите македонски голмани Мартин Томовски продолжува со неверојатните партии во Втората германска лига. Тој денеска беше главен виновник за победата на неговиот Битигхајм против Крефелд со убедливи 32-19 во 11. коло од новата сезона во второто по ранг германско натпреварување.
Томовски буквално ја „спушти ролетната“ на својот гол и натпреварот го заврши со 20 одбрани со процент од 51 отсто одбранети удари на победникот.
Битигхајм е втор на табелата со 18 бодови, а следниот натпревар го игра на домашен терен против Гросшвалтат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
