Челниците на „Репторс“ се задоволни од шефот на стручниот штаб, Дарко Рајаковиќ, и постојат големи шанси НБА франшизата од Торонто да го продолжи договорот на 47-годишникот од Чачак.
Канадскиот „sportsnet.ca“ пишува дека во Торонто има сериозни планови за Србинот, кој беше блиску до влегување во втората рунда од плејофот, и дека продолжувањето на соработката важи и за генералниот менаџер Боби Вебстер.
Секако, сè уште не е познато кога и под кои услови ќе биде продолжена соработката со Рајаковиќ, кој го водеше Торонто до 46 победи во лигашкиот дел од сезоната, но се знае дека ќе биде појасно по продолжувањето на договорот со Вебстер бидејќи тој ќе биде тој што ќе одлучи.
Тековниот договор на Рајаковиќ е важечки до крајот на следната сезона, односно до летото 2027 година.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
