Американскиот претседател Доналд Трамп во разговор со американските медуми информираше дека гарантира комплетна безбедност на натпреварите за Светското првенство кое следната година ќе се играат во САД, Канада и Мексимо.
Трамп истакна дека е подготвен, ако е потребно, тој лично да ги преместува мундијалските натпревари од градовите што ги смета за небезбедни. А, ако треба и ќе се одложуваат мечеви.
„Ако утврдам дека не е безбедно да се играат натпревари во одредени градови, ќе ги преместиме во други градови. Но, Светското првенство 2026 ќе биде максимално безбедно“ – вели Трамп.
Меѓу градовите кои се упоришта на Демократите во САД а во кои ќе се игра СП 2026 се Лос Анѓелес (осум натпревари), Сан Франциско (шест натпревари) и Сиетл (шест натпревари).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
