Големото дерби во Серија А кое се играше синоќа меѓу Јувентус и Милан заврши без победник 1:1 откако „старата дама“ во судиското продолжение преку Федерико Гати се спаси од пораз.
Тренерот на Милан, Рубен Аморим, не го криеше незадоволството од пропуштената победа, но во исто време е реален.
„Јуве не заслужи да загуби. Ние не игравме добро и премногу лесно ја губевме топката. Имаме неспорен индивидуален квалитет, но ни недостасуваат основните работи во фудбалската игра. Мораме едноставните задачи да ги работиме ефикасно, а на дуелот со Јувентус не бевме добри ниту во контролата на топката ниту во додавањата. Не заслуживме да победиме и очекувам многу повеќе од овој тим“, изјави Аморим.
Милан по три кола во новата сезона во Серија А има седум бода, исто колку и Јувентус, два помалку од лидерите Рома и Интер кои имаат максимален учинок досега.
Во следното коло, Милан го очекува уште едно тешко гостување, на „Олимпико“ ќе игра против Лацио.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
