Јувентус ќе биде значително засилен за утрешниот реванш против Вилјареал, на кој „старата дама“ ќе се обиде да стигне до триумф и да се пласира во четвртфиналето од Лигата на Шампионите.
Тренерот Масимилијано Алегри има причина за задоволство бидејќи тројца фудбалери на овој тим, Дибала, Кјелини и Бернардески, ги надминаа проблемите со повредите и ќе можат да настапат утревечер. За разлика од нив, трката со времето ја загубија Бонучи и Алекс Сандро.
„Ние сме Јувентус и секогаш одиме на победа, желба ни е да стигнеме до големото финале и да се бориме за трофејот. Одлично е што дел од повредените се вратија, тие се големо засилување за нас. Алекс Сандро и Бонучи нема да ни помогнат, ризикот беше преголем, а ова не ни е последен важен меч за сезонава. Влаховиќ ќе игра бидејќи тој ни е значаен адут, фудбалер кој ги прави сите околу себе подобри. Ќе игра и Мората, кој се наоѓа во одлична форма и беспрекорно се снајде по доаѓањето на Влаховиќ во тимот“, изјави Алегри на денешната прес-конференција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
