Леванте ги загуби сите шанси за опстанок, но Енис Барди и соиграчите имаа мотив за вечерва на последниот дуел на домашен терен да слават над Алавес со 3-1. Гостите дури и први поведоа со 0-1, но Леванте покажа карактер и направи целосен пресврт со головите на Дуарте, Марти и на Моралес. Барди беше стартер на Леванте на овој натпревар, а македонскиот репрезентативец остана на теренто се до 80. минута.
Столе Димитриевски со Рајо Валјекано загуби со 2-1 на гостувањето против Мајорка, меч на кој домашниот состав со победата го осигура опстанокот.
Реал Мадрид без неколку стандардни првотимци ремизираше 1-1 на гостувањето против Кадиз. Маријано Дијаз ги доведе „кралевите“ во водство, Кадиз израмни преку Собрино, а домаќините имаат за што да знаат ако се земе во предвид дека во второто полувреме промашија пенал преку искусниот Алваро Негредо.
Дербито на колото меѓу Атлетико Мадрид и Севилја заврши со 1-1, први поведоа домаќините преку Хименез, додека голем бод за Севилја во борбата за четвртото место спаси Ен Несири во 85. минута.
Барселона исто така ремизираше, играјќи 0-0 на гостувањето против Хетафе, со што каталонците на едно коло до крајот го осигураа второто место кое значи и учество во Супер-купот на Шпанија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА