Хрватскиот шампион ППД Загреб во наредната сезона најверојатно ќе има нов тренер на клупата на местото на Златан Сарачевиќ. Договорот на Сарачевиќ му истекува на 1 јуни кога се игра и последниот натпревар во хравтскиот шампионат. Според хрватските медиуми, Сарачевиќ нема да остане на клупата, а во опција за негов наследник се неколку добро познати имиња на овие простори. Во потесниот избор се тројца поранешни селектори на репрезентацијата на Македонија – Веселин Вујовиќ, Ивица Обраван и Лино Червар и поранешниот хрватски селектор, Жељко Бабиќ кој моментно е на излезна врата во словенечкиот клуб Горење.
Вујовиќ е моментно селектор на Словенија и актуелен тренер на Копер, но тој е омилен лик меѓу навивачите и тренер што успеа да го крене Загреб, па многумина посакуваат повторно да го видат на клупата.
Лино Червар е актуелен селектор на Хрватска и официјално се уште тренер на Металург. Но, хрватските медиуми наведуваат дека Червар „слободен е и се уште волен за ангажман на ракометните паркети“.
По заминувањето од Шамбери, слободен за нов тренерски ангажам е и Ивица Обрван и според хрватските новинари, тој е исто така во опција по втор пат да ја преземе клупата на ППД Загреб.
Промени ќе има и во играчкиот состав на актуелниот вицешампион во СЕХА лигата, а едно од новите имиња што треба да се приклучи во подмладениот состав е храватскиот репрезентативец Халил Јагањац кој се уште е под договор во Металург.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА