Цветан Цинцов од Бугарија и Сања Кусмак од БиХ се победници на вториот ден на натпреварите на 54.то издание на „Мавровскиот меморијал“.
Во трката на 10 километри во машка конкуренција, Цинцов оствари време 18:43.09 минути и беше поуспешен од вчерашниот победник Еди Дачиќ од Хрватска, кој заостана 27 секунди и го освои второто место.
На третата позиција се пласира Младен Плакаловиќ од БиХ.
Македонскиот олимпиец Дарко Дамјановски, кој со вчерашното четврто место обезбеди А – норма за ЗОИ во Пјонгчанг, денешната трка ја заврши на седмото место со време 20:19.03 минути.
Во женска конкуренција, на патеката од 5 километри победи Сања Кусмак од БиХ, додека вчерашната победничка Дејана Косарац го освои второто место. Како третопласирана заврши македонската натпреварувачка Викторија Тодоровска со време 12:21.7 минути.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
