Стефанос Циципас успеа да ја мине првата пречка на Ролан Гарос, но грчкиот тенисер се соочи со неочекувани проблеми тешко совладувајќи го Чехот Весели со 3-1 во сетови. Циципас, кој е петти носител на турнирот, делуваше сигурно откако рутински ги доби првите два сета со 7-5 и 6-3, но Весели потоа изненади добивајќи го третиот сет со 4-6.
Возбудувањата продолжија се до самиот крај, откако четвртиот сет беше решен во тајбрејк, во кој чешкиот тенисер имаше одлична можност за израмнување, водејќи со 6-3, потоа и со 7-6. Циципас успеа да ги спаси овие четири сет-топки на противникот, а потоа и да ја искористи првата меч топка што му се укажа, славејќи со конечни 9-7 во тајбрејкот.
Огромни проблеми имаше и единаесеттиот носител Хачанов, кој се врати од негатива од 0-2 во сетови и на крајот успеа да триумфира со 3-2 над Лестиен од Франција.
Со минимални 3-2 до пласман во второто коло стигна и Хуркаш, кој го доби маратонот против Давид Гофан од Белгија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
