Турскиот фудбал е повторно пред нов прекин, откако по паузата поради нападот на судијата Халил Умут Мелер, само што продолжи се случи нов циркус во режија на газда на клуб.
Вчера беше прекинат мечот меѓу Истанбулспор и Трабзонспор по интервенција на сопственикот на Истанбулспор во чии редови настапува Валон Етеми, па денеска турските медиуми пренесуваат дека е можен нов прекин на шампионатот.
Првиот човек на Истанбулспор се налути откако неговите фудбалери во 74. минута не добија пенал. Веднаш им нареди да го напуштат теренот и да не го доиграат мечот. Еден од фудбалерите на домаќините, Симон Дели на колена го молеше својот „газда“ да продолжат и натпреварот да не биде во прекин, а во целата ситуација учествуваше и нашиот Валон Етеми.
Foul leading to Istanbulspor leaving the field for not getting a penalty followed by Simon Deli begging his president on his knees to continue the match
byu/wel0gique insoccer
Во времето на прекинот гостите имаа водство од 1-2. Енис Барди кој е пред заминување од Трабзонспор не беше дел од тимот на овој меч.
„Тажен ден за фудбалот. Не знам што ќе се случува… Ќе видиме“ – рече по мечот тренерот на Трабзонспор, Абдулах Авчи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
